Daily Newspaper

Mipui mar dek hmasaa thutlukna siam tawh rel

8

Health & Family Welfare minister Dr R. Lalthangliana hoin Pathianni khan inrawnkhawm a ni a. Covid-19 leng a darh zela enkawlna hmun ruahmana indah sen loh hun a thleng a nih chuan mipui mar dek chunga thutlukna siam tawh tura tih a ni.

Health minister chuan Ministry of Health & Family Welfare chhut danah kumin December-ah chuan Mizoramah Covid-19 kai hmuhchhuah mi 5000 an tling mai thei dawna ngaih a ni, tiin, “Tuna Covid-19 kai enkawl dam tawhte percentage anga chhutin mi 2000 vel active case nei turah kan inngai a, Mizorama Covid-19 kaite enkawlna tur damdawi in kan neihsate hian min dawl zo dawnlo niin a hriat a, kan hmalam hun hriat a ni lo,” a ti.

India ram pawh khawvela Covid-19 positive ngah ber dawttu niin Brazil kan lehpel tak thu te, September 5-a sample test zingah mi 90632 kai thar India ramah an awm thu leh Mizoramah pawh kaithar 31 kan awm belh thu te sawiin, “Hetiang kan nih avang hian contingency plan siamin kan lo inruahman lawk a, chief minister pawhin kan ruahmannate min pawmsak tawh a ni,” a ti. CCC indaihlohna phuhru turin theihtawpa hma lak a nih thu leh YMA leh kohhranho tanpuina an la mamawh dawn chauh thu te a sawi bawk.

Covid Care Centre (CCC) ruahman sa bakah tunhnaiah CCC atana hman tur pali neih thar a nih thu he thutkhawmah hian sawi a ni a. JNV School Thingsulthliah (khum 318 awm theihna), Montfort School Melriat (khum 86 awm theihna), Gilead Special School Bawngkawn Aizawl (khum 53 awm theihna), SIRD Hostel Thingsulthliah (khum 25 awm theihna) te a ni.

Veng leh khaw thenkhatah CCC awm an remtih loh avanga harsatna awm thin pawh sawichhuah niin, heng CCC-te hi pawnlam mi tan a hlauhawmloh thu inhrilhfiah chian a tul tih sawi a ni. CCC indaihlohna phuhru tura hmalak kawngah Mizoram Kohhran Hruaitute Committee leh Central YMA pawhin an tangkai theihna zawnah theihtawp chhuah an inhuam thu an sawi a ni.

Inrawnkhawmnaah hian Covid-19 kaite an sample test a negative hma chuan anmahni enkawlna hmun CCC/DCHC/DCH atangin chhuahtir loh tur tih sawrkarin a kalpui mek chu hman chhunzawm zel tha tih a ni a. Mizoramah Covid-19 kai an pung zel a, CCC/DCHC/DCH ah te indah sen loh hun a thleng a nih chuan, mipui mar dek chung leh mipui ngaihdan ngaichang chungin thutlukna siam nise tih a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy