Daily Newspaper

Mipui ngaihchan RV result chhuak harin mipui tibuai

13

Sample result chhuak azira mipui leh Aizawl veng engemawzat nghawng thei tura ngaih, Covid-19 kai pakhat Rangvamual vela chetla nena intawk hnaite swab sample lak chu a chhuah mai loh avangin zawhna a tam a, result hriat thuai duh an tam hle nia sawi a ni.

August 18-a swab sample result chhuaka Covid kai tih finfiah, Rangvamual leh a chhehvela lo khawsa hman tawh nia sawi chu, a awmpui hnaih zualte chu khunghran niin swab sample laksak an ni a, heng miten an lo kalpawh veleh chhawngte pawh venthawn thilah home quarantine tih an ni.

Swab sample a chhuaha positive an awm tih hriat a nih rual hian a riahpuite leh anni’n a hnulama an lo riahpui ve leh chhawngte nia sawi chu hemi tlai la la hian khunghran tura lak nghal niin, an sample lak a ni bawk.

He boruak avang hian August 18 tlai la la khan Aizawl Veng engemawzat chuan an veng mi, August 8 leh a hnulama Rangvamual leh Phunchawng tlawh chu task force hnenah in report turin an ti a, engemawzat in report in khunghranna hmun siamah khunghran an ni. Health department pawhin a hnuaia thawkte he veng tlawhte in report turin a ti a. Aizawl district magistrate chuan September 3 zing dar 4.30 thlengin he veng pahnih hi tlawh lo tur pawhin thupek a siam bawk.

Heti chung hian Rangvamual bula khawsa Covid kai ta avanga kai lehchhawng thei nia hriat, sample lakte hi April 20 chawhnu dar 3 thleng khan an result hi hriat ala ni lo tih The Aizawl Post chuan thu a dawng.

“Health department lamah chuan min tih hmanhmawh tura ngenna hi kan thlen a. Kan bialtu MLA pawhin min nawrpui. Mahse, sample test ngai a tam avang leh thawktu indaih lohna avangin dawhthei taka lo nghak ve phawt turin min ti a; dawhthei takin kan nghak ve phawt mai,” Rangvamual task force hruaitute chuan an ti.

Hetihlai hian Rangvamual leh Phunchawng Veng chauh ni lo, Aizawl veng hrang hrang nghawng thei thil a nih avanga result nghah rei ngai lutuk chuan zawhna dawn a tam a, mipui lungmuanga awm thei lo a ti tam tih thu dawn a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy