Daily Newspaper

Mipui puh chhan sawifiah turin Health minister phut

30

Health minister Dr R Lalthangliana hoa thutkhawmah Covid kaitharte an chhuichiannaa case tam ber chu mipuite kan inthlahdul deuh vang, tia tarlan leh, Covid kai tam chhan leh darh chhana mipui an puh chu mipui fimkhur tawk loh dan hi khawi atangin nge sawrkarin a hriat tih sawifiah turin an phut tih BJP chuan an sawi.

Thuchhuah siamin BJP Mizoram Pradesh chuan, Mizoram mipui mitlemte, kaihhruai nuam, thuawih thei tak leh mahni inthunun kawnga entawntlak tak kan nih thu te, India rama Covid-19 dona kawngah pawh state sawrkar thlawp tha a, tihmingthatu leh chawimawitu kan nihna te chu MNF sawrkarin a theihnghilh ta nia a ngaih thu a sawi. ‘Hrileng vanga Pathian biak inkhawm, zirna in, chhiatni thatnia sawrkarin punkhawm a khap pawh a zawm tha ber chu mipuite kan ni tih hi hrenawn turin Pu Zoramthanga kaihhruai sawrkar hi kan hriattir a ni,’ a ti.

Covid19 leng vanga mipuiten punkhawm kan hreh em em lai a, MNF sawrkar leh State Election Commission ten VC/LC inthlan buatsaih luiah puhin, ‘Mahni hmakhua ngaia politics-a thangthat lak duh vangin, mipui hmangaihna tel miahloin fimkhurna dan min bawhchhiat tir ta zawk a ni tih hi BJP Mizoram Pradesh ngaidan a ni,’ a ti.

Health minister hoa thukhawmin, mipuite fimkhur kawnga an inthladul vang, tia a sawi chu, Pu Zoramthanga kaihhruai sawrkarin Mizoram mipui a zahloin, a tham lo tih tichiangtu a niih thu a sawi a. ‘Mipui kan fimkhur tawk loh vanga darh chu sawrkar hian khawi atangin nge a hriat a, mipui fimkhur tawk lo a tih hi, fimkhur theiloa siamtu hi tunge ni tih kan zawt a, a rang thei ang bera insawifiah turin Dr R Lalthangliana leh Mizoram sawrkar kan phut a ni,’ a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy