Border Security Force 184 battalion-in ramri bula cheng mipui tana rawng an bawl sakna, Civic Action Programme hnuaiah khaw 5-a a mamawh apiangte tan a thlawna inentir theih hun an huaihawt.
Ramri hrula khaw hrang hrang – Kalapani, Balukiasuri, Gurucherra, Malsuri leh Devasora khuaah Inrinni atanga Thawhtanni thleng khan BSF 184 Bn hian an commandant Ahsan Shahedi hoin Civic Action Programme an huaihawt a. BSF sipaiin tualchhung mite nen thawhhona tha zawk an neih a pawimawh tih sawiin, ralmuanna leh himna tel lo chuan hmasawnna a awm theih loh avangin, ramri boruak a ralmuan theih nan theihtawp an chhuah zel tur thu a sawi.
Khaw hrang hranga a thlawna inentirna huaihawtah hian an hriselna endiktir mi 600 chuang awmin, damlote hnenah a thlawnin damdawi an mamawh sem nghal a ni. Hei bakah hian bungrua leh khawl chi hrang hrang zirna in leh mimal hnenah an sem bawk
Mipui tan BSF chechhuak
