Daily Newspaper

Mipui tanrualnaah MNF Thalai lawm

10

Tunhnaiah ramri chungchanga Mizoram leh Assam intihbuaina thleng avanga Mizo mipui inlungrualna te, thahnemngaihna leh ram leh hnam hmangaihna thinlung langchhuakte chu ropui an tiin, hetiang renga hnam anga lungrualna hi a thleng zen zen pawhin a rinawm lo tih MNF Thalai chuan an sawi.

MNF Thalai Hqrs. thuchhuak chuan, political party hrang hrangten party nihna dahthaa sawrkar hmalakna an thlawp dan te, NGO hrang hrangte hruikhat vuana hma an lakna te, mahni theihna zawn zawna hma laa social media lama Mizo thalaite tanlakna te, mahni theihna kawng kawnga media hmachhawna kan auchhuahna te, Zoram mipui zawng zawngte chetlakna chu theihnghilh mai theih chi-ah a ngai loa, lawmawm a ti takzet tih a sawi.

Sawrkarin Boundary Committee a din chu lawmawm a tih thu sawiin, ‘Remna leh muanna a awm theihna tura state sawrkar pahnih hmalaknain rah tha a chhuah thuai kan beisei a. Economic blockade avangin ram mipuiten harsatna kan tawk mek a, hei hi ram leh hnam tan a nih hriaa mipuiten dawhthei taka lo tuar hram hram tur leh sawrkar hmalakna thlir zel turin kan ngen a ni,’ a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy