Vanapa Hall-ah Mizo Academy of Letters-in Lehkhabu Pho Chhuah Runpui an buatsaih a, Mizo writer langsar ber berte hmel hmuh tur a awm thin. Writer-te tan chuan he hmuna lehkhabu lei tura mi an kal hi thil hmuhnawm a tling ang.
Lehkhabu Pho Chhuah Runpui-a tel Prof Laltluangliana Khiangte chuan thalaite’n lehkhabu hi ngaihlu deuh deuh se a duh thu a sawi a, “Mipui vantlang leh zirlaite thatna tur ngar ngara ziak ka ni,” tiin a lehkhabu ziah chhan a sawi.
Ama kutchhuak liau liau bu 60 leh mi dang nena an buatsaih bu 40 a chhuah tawh a, sum leh paia hlawkna uma lehkhabu hi buapui a nih loh thu sawiin, mipuite thatna tur ngaihtuaha inhmang a nih thu a sawi.
Drama lam a ziah hnem thu a sawi rualin, drama chu lehkhabu chi hrang hrang zingah a hralhtla lo ber a nih thu a sawi a, “A hralh kal lo tur hi ka ziak,” a ti.
“Lehkhabu kan ziah hian lung kan phun a ni. Sum lama hlawkna ni lovin lung kan phun avang hian kan hlawkpui a ni,” a ti a, sum leh pai lamah lehkhabu-ah hlawkna a awm thu pawh a sawi. Mahse tam tham a ni lo, a ti a, chhut nawn a nih hian a hlawkna a awm ve tiin a sawi.
Writer lar Lalrammawia Ngente chuan sum leh pai lama hlawkna chungchangah hian, “A ziaktu azir a ni a, hlawkpui chu an awm,” a ti. Chutih rual chuan, “A tlangpuia lak chuan Mizo writer-te’n an hlawkpui lem lo. ‘A chhutna senso ka hmuh chuan ka lungawi e,’ ti an ni fur ang,” a ti.
Lehkhabu 32 a ziak tawh a, “Hlawkpui chu ka nei ve,” a ti. Lehkhabu atanga sum la lutte pawhin tam tham an lak luh a rinawm loh thu a sawi.
Lehkhabu Pho Chhuah Runpui hi Mizo Academy of Letters kum 60 tlin lawmna puala buatsaih a ni a, thu leh hla lama tuite leh lehkhabu ngaihlute’n an hlut hle.
Mipuite tan lehkhabu
