MIS tharte district-ah inzir
Mizoram Information Service officer 2025 batch chuan Thawhtanni khan Champhai district-ah Information & Public Relations department hnuaia district-a hnathawh dan leh kalhmang zirin office hrang hrang an tlawh.
MIS officer 2025 batch hi mi pathum – Teresa Vanmalsawmi, R Vanneihtluanga leh Lalchungnungi Lakher an ni a; I&PR directorate-ah IPRO in an awm mek. District-a hnathawh dan leh office dang nena thawhho dan zirin Champhai DIPRO Lalzara hoin DC office, SP office leh DIPRO office an tlawh a. DC office-ah hian SDO (Sadar) Chandrakant Bagoria chuan lo kawmin DC office hnathawh hrang hrang a sawi a, an zawhna a chhang bawk.
SP office-ah hian Champhai SP Lokeshwaran R chuan lo kawmin, SP office hnathawh, border district an nih anga an hnathawh a tam bik dan, Champhai district dinhmun a sawipui a, ni.
DIPRO office-ah hian district-a I&PR hnathawh dan, inthlan lai DIPRO mawhphurhna, media relations leh publicity tha neih dan leh office-a file kal dan an sawi a ni.
MIS tharte district-ah inzir
