Miss Mizoram 2024 lawmman tur an puang ta a, ‘Miss Mizoram’-in Rs 2,00,000 bakah Vespa scooter a dawng dawn a, Women & Child Development Department-in ambassador-ah an hmang nghal dawn bawk a ni.
Miss Mizoram 2024-a lawmman hrang hrang atan pawisafai a sem chhuah tur hi Rs 6,55,000 a ni a, Pahnihna (1st Runner-Up)-in Rs 1,00,000 a dawng dawn a, Pathumna (2nd Runner-Up)-in Rs 50,000 a dawng dawn bawk a, top three te hi Lash Studio chuan ham\hatna chi hrang hrang a pe vek dawn bawk a ni. Heng bakah hian Top 5-a tlingte, Top 10-a tling te, Finalist-te leh Sub-Title dawngtute hnenah lawmman pek an ni dawn bawk.
Miss Mizoram contestant-te hi April 16, 2024 (Thawhlehni) khan resort wear shooting tihpui an ni a; main sponsor WCD department-in nimin April ni 17 khan an hmalaknate an hrilhfiah bakah, an hnathawhna hmunhmate an fanpui. Co-sponsor PHE department hoin hun an la hmangho leh bawk ang.
Miss Mizoram 2024-ah hian April 23, 2024-ah Sub-Title Night hmangin, sub-title hrang hrang dawngtute hnenah sem a ni dawn a, April 26, 2024 zanah Grand Finale neih a ni ang.
MISS MIZORAM 2024 LAWMMAN
Winner : Rs 2,00,000 + Vespa Scooter + WCD Ambassador + Lash Studio Deal
1st Runners-Up : Rs 1,00,000 + Lash Studio Deal
2nd Runners-Up : Rs 50,000 + Lash Studio Deal
Top-5 : Rs 25,000 each
Top-10 : Rs 15,000 each
Finalist : Rs 10,000 each
Subtitle : Rs 10,000 each
Miss Mizoram-in Rs 2,00,000 + Vespa scooter dawng dawn
