Daily Newspaper

Misual kut tawrh vangin pump khar tum

10

Assam Cachar district chhungah Mizoram pan oil tanker-ten misual kut an tawrh avangin tanker khalhtute chuan Mizoram sawrkarah thilphut an nei a; petrol pump neitute chuan lungawiloh lantir nan pump khar an tum thung.

Engemaw avangin September 12 khan Mizorama lirthei lut tur chu Lailapur-ah dan a ni a, lirthei dangtute hian Inrinni zan dar 10.30 vel khan Mizoram tanker driver, Mizorama lut turte chu kut an thlak niin Mizoram oil tanker intelkhawmna pawl hruaitute chuan an sawi a. An lirthei pawh an vawmchhiatsak nual niin an sawi. Driver-te hi Lailapur tualchhung mi thenkhatten an lo chhan avangin an him theih phah niin thu dawn a ni.

Mizoram Oil Tanker’s Driver Association (MOTDA)
chuan an member-te Silchar
atanga load la haw lam, oil tanker 12-te chu Cachar Truck Driver
Association inti mi 80 vel, strike siamten Lailapur-ah lo tidingin, thisen chhuak
khawpa kut thlakin lirthei an suasam niin an sawi.

‘Kan member-te chunga hetiang thil a thlen avanga hian oil phurh ngam chi-ah kan ruat loa, heng kan member pawisawilo kutthlaktute hi Mizoram sawrkar chuan a rang thei ang bera chhuichhuak thuai turin kan phut a ni,’ a ti.

Kut tuarte hi a ranglama enkawlna ngaihtuah sak turte; tanker 12 an tihchhiatte a rang lama repair-na tur ngaihtuah sak turte in an phut tih an sawi bawk.

All Mizoram Petroleum Dealers’ Association (AMPEDA) pawhin Lailapur-a Mizoram tanker leh a enkawltuten kut an tuar chu pawi a tiin a rilru a na hle tih a sawi.

He pawikhawihna hi sawrkarin a rang thei ang bera hma la a, pawikhawihtute man a, an phu tawk hremna a pek an phut tih a sawi.

Tank lorry driver-te hi Covid-19 hrilengah pawh frontline-a hna thawk, ram pawna Mizoram mamawh min chawkluh saktute an ni a, he thil thleng hi kan duhloh zia leh thleng nawn tawh lo tura kan duhzia lantir nan 2020 September 15 (Thawhlehni) hian petrol pump zawng zawng kan inkhar dawn a, sawrkar leh mipui hriatthiamna kan dil a ni,’ a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy