Daily Newspaper

Misual pawikhawihna vangin pump khar

15

Tunhnaiah Lailapur-a Mizo tanker driver thenkhat Mizoram lam pan mekte misualten kut an thlak avanga lungawiloh lantir nan Thawhlehni khan All Mizoram Petroleum Dealers’ Association (AMPEDA) hmalakna in Mizorama petrol pump zawng zawng khar a ni.

September 12 zan dar 10.30 vel khan Silchar atanga Mizoram lam pan, oil phurtu Mizo tanker 12 chu Lailapur-a kawhmawh bawl tuma Mizorama lut duh lo bungraw phur lirthei, driver association hming chhalte chuan lo tidingin tank lorry khalhtute hi kut an thlak bakah an lirthei an tihchhiat sak nia thu dawn a ni.

Heng mite hi AMPEDA member an nih angin, AMPEDA hian Aizawl SP hnenah FIR an thehlut a, FIR-a an ziah danin, September 12 zan khan Silchar Truck Drivers’ Association mi nia hriatten Mizoram tanker 12 beiin a khalhtute kut an thlak thu te, pawikhawihtute hrem an phut thu leh tun hnuah hetiang hi a thlen tawh loh nan tanker enkawltute himna ngaihtuahsak tura an duh thute tarlan a ni a. An lo sawi lawk tawh angin an lungawiloh zia lantir nan Thawhlehni khan Mizorama filling station zawng zawng an khar a ni.

He thil thleng chungchangah hian Mizoram Tanker Owners’ Union leh Mizoram Oil Tanker Drivers’ Association pawhin Dholai Police Station-ah FIR an thehlut nia thu dawn a ni bawk.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy