Second seed Sofia Kenin chuan Thawh-lehni last 16 inkhel pakhatah a ngam loh tawngin mittui nen US Open a chhuahsan.
Australian Open champion leh second seed ni bawk Sofia hi women’s singles khela la dam zingah seed sangber luahtu niin, Belgian Elise Mertens nen quarter-final luh an inchuh a, 6-3 6-3-in Mertens a chak a, kum 21 mi American tan tournament a tawp fel. “Ka match khelhah khan ka lungawi lo a, chak loh hi ka hua a, ka tap lo thei lo a, zanin hi ka tan zan chhia a ni a, engkim kha a ‘bum’ vek a ni,” a ti.
Moscow khawpuia piang Sofia hian Rome tournament lam a hawi zui nghal tur thu leh a rem chuan Strasbourg lamah insawn lehin, Paris (French Open) erawh a khelh dawn leh dawn loh a la chian loh thu a sawi.
(THE AIZAWL POST – Infiamna)
Full>> ePaper Subscribe
