Mizo film thar ‘Tawki’ tih chu July ni 28-ah an tlangzarh dawn ta a, he film hi zan dar 8 atangin Lersia Play-ah man chawia en theih tura chhawpchhuah a ni ang. ‘Tawki’ hi FADYO Picture’s Production kutchhuak niin, Mizo mipuite tan film thar, theme thar ni bawk, action, tragedy leh thriller a ni.
Mizo mipuiten kan lo hmelhriat ?hanna naupang fahrah khawhngaihthlak “Zuali te Unau” tih film-a a changtunu Florence Vanlalhriatzuali chu he film thara leading role la tur a ni a. Florence-i hi Karate lama National thlenga medal lo la tawh a nih avangin acting skill lamah chuan duai bik lo tak a ni. Mizo film danga kan la hmuh tam loh, achangtu ber hmeichhia, chutah pawh phuba la tura action role nena pui taka che chho tur Florence-i chevel hmuh a chakawm tawh hle a ni.
He film thawnthu hi pafa a zin, pa ber boral thut avanga unau a vakvai chho, a nau ?awng thei lo nen harsatna tamtak paltlang hnua Tawki phuba lakna a ni.
Tawki film hi Mizo film a sulhnu neilian ber pawl leh a hun laia mizo film hit ber berte lo siam tawh ?hintu Pu C.Hmingthangvunga siam a ni a, Hminga chuan he Tawki film hi belhchian dawl tak a nih a rin thu leh visual effect leh after effect-ah a satliah dawn loh thu a sawi.
He film tipuitlin tur hian thla 4 ngawt ngawrh takin an inbuatsaih a, ?awng thei lo zaizir a inbiakna sign language pawh tarlan a ni dawn bawk. Chutih rual chuan film market-na turah piracy lo awm ?hin hi a ruka a lungngaih thu Hminga chuan sawiin, theihtawpa inveng chunga Lersia Play kaltlanga market an tih tur leh Mizo mipuite pawhin sum senga lo en ve zel turin a sawm bawk a ni.
He film promote nan theme song/OST atan Mizo Idol a kan lo hmel hriat tawh ?hin Angela Mawlsawmpari hman a ni a, OST hi Youtube a en theih turin nizan a?ang khan phochhuah a ni.
Mizo film thar “TAWKI” July 28-ah tlangzarh dawn
