Mizo hnam chanchina mi
pawimawh chanchin ziak
Mizoram University zirtirtu Prof Laltluangliana Khiangte lehkhabu ziah chu Thawhtanni khan MZU chief rector, larsap Gen. Vijay Kumar Singh (Retd) chuan a tlangzarh.
MZU School of Humanities and Languages dean Prof. Laltluangliana Khiangte hian lehkhabu pathum – Anti-Colonial Chieftainess: Lalnu Ropuiliani, Indigenous Tribal Worrior: Pasaltha Khuangchera leh Anti-Colonial Hero: Mizo Lal Zakapa a ziak a ni.
Larsap chuan Mizo hnam chanchina mi pawimawh – lalnu Ropuiliani, pasaltha Khuangchera leh lal Zakapa te chanchin chuan zirtir leh kawhhmuh hrang hrang nei mah se, pawnlam awpbeh tumna laka zalen tura huaisen taka beihletna an tarlang tih a sawi.
India ram hmun hrang hranga chengte chanchin ziahna tam zawk chu min awpbettute ziah a ni, tiin, “Midang hriata kan hnam ziarang dik tak kan pholan a, thangtharte hnena kan chawr chhuah dan dik kan hrilh chhawn theihnan keimahni hnam ziarang mil dik taka history kan ziah that leh pawh a tul a, hemi tur hian zirchianna nasa zawka kalpui a tul a ni,” a ti.
Lehkhabu tlangzarh tak pathum hi thlirlawk tura sawmten an sawizau a ni.
Mizo hnam chanchina mi pawimawh chanchin ziak
