Daily Newspaper

Mizo leh Chakma inkara boruak tha awm theihna tur sawiho

31

Mizo Students’ Union Gen. Hqrs. huaihawtin Zirtawpni khan Mizo hnam chhan ni pualin Chawngteah NGO hrang hrang hruaitute nen inrawnkhawm huaihawt a ni.

Inrawnkhawmnaah hian Chawngtea NGO – MSU, Mizoram Bawm Students Association, Central Young Chakma Association, Central Chakma Mahila Samiti, Mizoram Chakma Students’ Union, Sub-Hqrs Young Lai Association, Sub-Hqrs Lai Student’s Association, MHIP Chawngte ‘P’ branch te an tel a. Mizo leh Chakma ten boruak thalo leh hnam anga buaina chhuak fo thin chu remna leh muanna a awm a, thawhhona tha an neih theih nana he hun hi buatsaih a nih thu MSU Gen. Hqrs. president Vanlalliana khiangte chuan a sawi a ni.

Chakma leh Mizoten hnam anga buaina leh harsatna tawh lohna turin hetiang hian rawtna siam a ni: Hnam leh hnam inkarah buaina liantham a thlen loh nan, social media lama inbei vak vak loin, NGO Coordination Committee din a, local level-a chinfel theih chu hmundanga tidarh loa chinfel thin nise; kan rama dan loa lo lut thinte dapchhuahnaah tha taka thawh ho nise.; zirna lama hmasawnna neih theih nan tha taka thawh ho nise; document lem siama hamthatna lak tumte dapchhuah a, dan hmanga hrem an nih theihnan hma lak ho nise, tih te a ni.

Chawngte Area NGO Coordination Committee din nghalin, office bearer ruat nghal a ni a. Chairman-ah ZD Ramngamzauva, Group YMA; vice chairman – Dr Joytirmoy Chakma, Central YCA; secretary – A. Lalzarliana, Sub-Hqrs. YLA; asst. secretary – Jakadish Chakma, MCSU; treasurer – Monica Chakma, Central Chakma Mahila Samiti; finance secretary – Felix Lalnundawnga, Sub-Hqrs. MSU

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy