Daily Newspaper

MIZO THLA HMING VUAH CHINFEL NAN

228

Dr. Lalzuia Colney
9862334371

Kum thar 2022 Mizo Calender siam a hun leh dawn ta a. Hei hi Calender siamtu Press lam pawhin an hriat bik atan a tha. Tunah chuan Gregorian Calender thla hming hi kan tawmpui ta a, January, February, March, etc, tiin kan dah ta zel a, chumi rual chuan Mizo thla hming a bo kan hlau va, Mizo thla hming kan dah ve zel ta a ni. Chutih lai chuan Mizo thla hming kan dah dan inang lo hi a awm thin a, July, August leh September thla hming hi a ni thin. A inan loh dan chu, July thla hi VAWKHNIAKZAWN THLA, VAWKHNIAKZAWM THLA, VAWKHNIAHZAWN THLA tihte hi a ni. Hemi bakah hian THI|IN thla chungchang pawh hi a buai ve tho. |henkhatin August hi THI|IN ti leh September hi THI|IN ti an awm. Mizoram hi ram zimte mah ni ila, bial bik tawng (Regional Variation) te, Chibil bik tawng te, Chhak, Thlang, Chhim leh Hmarah pawh tawng hman inang lo a awm thei bawk. Tuna kan sawi tur thla hmingah pawh hian Mimkut pawh Rolura Mimkut ti te, Savunga Mimkut tih te, Kawlriauva pa Mimkut ti te kan awm nual a ni. Hetiang hi hmang vek dawn ta ila, kum khatah thla hming 15 lai kan nei thei a ni.

Hetiang hi a dik thei lo va, Mizoramin kan hman tlan theih atan aikhata kan luan theih hi a tul a, Information & Public Relation (I&PR) Goverment of Mizoram chuan kum 2011 September 8 khan Mizopa rawn tlak deuh deuh te, MUP te, MHIP te leh Kohhran lam hruaitute a sawmkhawm a, (kei pawh ka tel ve a), Mizo thla hming vuah dan inang lo te ngaihdan hrang hrang inang lote kan sawiho va. Mizo thla hming tobul hrang hrang te sawi lan a ni a. A bik takin thla thum hming vuah dan inang lo hi sawi a ni a. Chuta kan thutluk dan ni ta chu:
July thla chu – VAWKHNIAHZAWN Thla, August chu – THLAZING, September chu MIMKUT tih hi a ni ta a ni.

Hei hi Sorkar Calender-ah pawh hman a ni a, Synod leh Press thenkhat pawhin an hmang a ni. Hei hi Press thenkhat chuan la zawm ve lo an awm. Hei hi a pawimawh dan chu, Zirlaite hnenah, “Mizo thla hming vuah kha sawi rawh,” tih zawhna hi chhang ta sela, a inang lo nual thei ta a ni. Chuvangin, Calendar siamtu zawng zawng chuan Mizoram Sorkar pawm dan ang hi zawm theuh tur a ni.

Harsa bik deuhte han sawi ila. VAWKHNIAHZAWH THLA tih kha, Mizo pa Mizo tawng uluk taka hmang thin Pu Buanga, Mizo Sakhuaah pawh Puithiam ni tawh, Pu J.F.Laldailova nupui pa pawh hi Pu J.F-a Mizo tawng lakna hnar pakhat chu a ni. Chu pawh chuan July thla chu VAWKHNIAH-ZAWN thla a ti thin. THI|IN kha mitthi puala kut Mimkut zawhah mitthi an tin avangin Mimkut hmaa hman chi a ni lo. Mitthi puala kut Mimkut zawh chu Thitin tih a ni thin a, chu chu Mimkut nen ni hnih thum lek inkar a nih avangin Mizoram hmun thenkhatah August chu Thlazing tih hi an hman dan a nih avangin chu chu an tawm ta a ni. Tichuan, July- Vawkhniahzawn thla, August – Thlazing, September – Mimkut tih hi sorkar hminga in-rawnkhawm thutlukna chu a ni ta a ni.

Thulakna hnar:
l) Tirh. Vanchhunga, 2) Pu K.Zawla, 3) Pu Zatluanga 4) Pu Seletthang, 5) Dr. James Dokhuma 6) Pu Thanga, 7) Pu C.Lianthanga, 8) Pu Lalhmuaka 9) Pu V.Lunghnema, 10) Pu LK.Liana, 1l) Pu Kauva, 12) Pu Hrangthiauva leh Lalchungnunga, 13) Pastor Challiana, 14) Rev. Saiaithanga, 15) JH.Lorrain.

Get real time updates directly on you device, subscribe now.

1 Comment
  1. Vanlalngaia says

    Thla hming hnungah Thla tih kan belh ṭheuh khân, Thlazing Thla tih tur a ni ve mai dawn lawm ni?
    Mi ṭhenkhat hian, Thlazing thla bikah hian Thla tih hi an belh ve lo ta bik ṭhin a, hei hi a kalphung a rualkhai ta lo va.
    A hmingah hian “thla” tih lo tel tawh mah se, “Thlazing Thla” kan tih loh vek vek chuan “”Thiṭin Thla” tih kha a ṭha ka ti mai.
    Thil thleng indawt an sawi te kha chu lo inmil lo pawh ni se, ṭhangthar lamin kan hre tawh chuang lo va. “Thiṭin Thla” tih hi mi tam takin kan hmang ṭhang tho bawk a.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy