Mizoram 6 Red Snooker Championship 2024
Mizoram Snooker & Billiards Association (MSBA) buatsaih Mi-zoram 6 Red Snooker Championship Tournament 2024 chu Inrinni zan khan MSBA Hall, Hawla Indoor Stadium-ah final khelin a hmawr bawk a ni a, Lalsangzela, Khatla South a champion.
He championship final hi Lalsangzela leh T. Laltanpuia, Upper Republic-te’n khelin, race to 6-a khelh a ni a, Sangzela hi 6-2-in a chak ta a ni.
Mizoram 6 Red Snoo-ker Championship 2024 hi February ni 12 tlai atang khan khelh tan a ni a; double elimination hmanga khelh niin, snooker table paliah a rualin an khel thin a, tlai dar 4:30 atanga zan dar 9:00 thleng match a awm thin a ni.
Kumin hian player 31 an chhuak a, Zaithangpuia (Siaha) tih loh chu Aizawl mi vek an ni.
February ni 16 zan khan semi-final khelin, K. Lallawmkima laka 5-0 hnehna changin Lalsangzela’n final a inhlangkai a; semi-final lehlamah T. Laltanpuia 5-3-in Lalbiaksanga a hneh ve bawk.
Semi-final inkhel pawh hi a hmuhnawm a, boruak pawh a tang hle a; tarlan tak angin, final-ah Lalsangzela leh T. Laltanpuiate hi an insu ta a ni.
Lalsangzela hi January ni 27-a khelh zawh tak MSBA buatsaih ‘Mizoram State 6 Red Snooker Ranking 2024-ah pawh khan a champion tawh bawk a ni.
Mizoram 6 Red Snooker Championship 2024
