Daily Newspaper

Mizoram awpna hnuaia awm duh thu thlen

10

Assam awpna hnuaia awm hnam peng hrang hrang intelkhawmna Thangram Indigenous Peoples Movement leh Mizo Zirlai Pawl hruaitute chuan Prime minister leh Union Home minister office-ah Mizoram sawrkar awpna heng Zofa hnam pengte hi awmtir tura ngenna, memorandum an thehlut.

MZP leh TIPM hruaitute hi Union Home secretary-in a lo dawngsawng a. Covid-19 hrileng mek avangin Prime minister leh Union Home minister hi pisaah hmuh theih an ni lo. Home secretary chuan a tul anga bawhzui zel a nih tur thu a lo sawi a. Karimganj district hnuaia cheng Zohnahthlak hnam peng hrang hrangten Assam awpna hnuaiah kawng hrang hranga ensan leh endawng an tawh thu leh Singla Valley leh Langkaih Valley chu Zofa thlangtla hmasate luah ram a nih avangin Zofate ta a nih thute memorandum-ah hian ziah tel a ni.

Union Home secretary chuan MZP leh TIPM thu thlen chu tun maia tihhlawhtlin theih chi a ni nge ni lo zirchian hmasak a ngaih tur thu leh a tul anga bawhzui a nih tur thu a sawi a. Thangram huamchhung square miles 180 huam-chhunga Zohnahthlak chengte tan an mamawh ang hmasawnna chu pek nghal theih a nih thu a lo hrilh. TIPM hruaitute chuan an duh ber chu hmasawnna a nih ber loh thu leh an tan Mizoram state chhunga rin luh hi an himna tur a nih thu an hrilh a. Mizoram sawrkar enkawlna hnuaia awm an duh thu an thlen a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy