Mizoram basketball \han timuangtu Veteran Basketball Tounament/League chiri!

Mizoram basketball than timuangtu
Veteran Basketball Tounament/League chiri!
Mizoram Basketball Association (MBBA) rorelna sang ber General Body Meeting-ah pharh a nih miau loh avangin infiamna huang dang angin basketball player kum lama upa zawk (veteran player)-te tan intihsiakna pawl buatsaih mumal a awm lo – mi thahnemngai fal kutah a awm tawp!
Hemi chungchang hi bihchiang teh ang u.
Thlir zau ila
Mizorama infiamna nung ber ber sports huang dangte hi han thlir ila, kum lama upa zawkte leh tawnhriat ngah zawkte’n an uap avangin pawl kalphung a ngialnghetin a fim tlat!
Player upa lam, veteran player-te’n committee meeting ringawta tel lovin, an inkhelh theihna tur mumal takin an ‘Annual Canelndar’ lamah a awm a, thahnemngai taka inkhel chungin an tawnhriatte pawl tan sawrchhuahna remchang a la awm tlat.
Hetianga veteran player-te hnuhhnaihna hmanrua chu an puala an inkhelh zui zel theihna tur chhawpchhuah hi a ni a, a hlawkzia chu hawi zau ila a chiang!
Mutan chu!
Mizoram basketball nunzia leh a tournament buatsaih Mizoram Super League (MSL) leh Inter School hlawhtlinzia chu sawi ngai lovin India ram a al chhuak hial a, mahse, MBBA lam annual calendar-ah veteran player-te inkhelh theihna tur chhawpchhuah a ni miau lo va, hei tak hi basketball than zelna tura mutan a ni!
Thawkho ila…
Mizo veteran basketball player active taka la inkhel peihte an tam si a, chu’ngho chu tawnhriat nei tha leh he infiamna than zelna tura thluak tha thate an ni a – anni ho nena MBBA insuihzawmna hnai ber chu veteran tournament buatsaih hi a ni.
MBBA pen chin hi he infiamna nena inthlunzawm Mizo an tam em avangin Mizo history hnutchhiahna a ni tel zel a; he pawl hi ep mai lovin thawhpui thiam a, thurawn pek a fuh ang.
Pawl lama inhmang thukte pawhin thurawn lak an taimak erawh a tul – kumin chhunga an intihsiakna buatsaih thlirin ‘information’ lamah MBBA hian tan a lak fe a ngai.
Kan thupuiah lut leh ila, tun dinhmunah chuan mimal thahnemngaihna liau liau avangin Veteran Tournament/League neih a ni a, tunah pawh ri ret ret a awm leh tawh!
Kum bithliah mumal a awm lo va, a organiser rilrua inkaihhruaina a luh thut dan mil zelin veteran baller-te insiksawi a ngai a – a chiri ngang mai!
Heti lo deuha inherrem hi a hun ta fu.
Patling rual ngaihdan leh dun dan khirhpui pui neite puala intihsiakna buatsaih leh buaipuitu erawhin a tlin ngar ngar ve viau tho e.
Mimala inelna buatsaih erawh a fuh lo va, a buatsaihtu tan pawh venthawn tur a tam.
Veteran player-te tangkai leh pawimawhzia hriain, MBBA rorelna sang berah he thil hi ngaihtuah turin chhawpchhuah a hun ta…