Mizoram junior team fehchhuak
Mizoram Basketball Association (MBBA) chuan Mizoram aiawha Junior Nationals inelnaa tel tura thlan Mt. Carmel School te chu May ni 19, 2026 khan Pu R. Lalnunpuia kaihhruaina hnuaiah fuihna leh thlahna hun tawi a hmanpui.
76th Junior Nationals basketball championship (Men & Women) hi Rajiv Gandhi Indoor Stadium Puducherry-ah nghah a ni a, May ni 22 a, atanga ni 29 chhung neih tur a ni.
The Aizawl Post Hoops Mania zawhna chhangin, head coach Lalruatfela (Afela) chuan, “Inbuatsaihna kan uluk a, theihtawp kan chhuah ang. MBBA leh sikul thuneitu lamin min thlawp tha a, team enkawltu lam kan lawm takzet” a ti.
Tun tum team enkawltu zingah hian Asst. coach-ah ZD Denghmingliana (Puitea) awm bawkin, ani hi tualchhung basketball-ah mi thar a ni lo bawk.
Anni coach pahnih inthlawp tawn hian result tha an sual chhuah ngei a rinawm. Inter School intihsiakna huanga an sulhnu mam tak leh an hrual than tawh player thawhchhuahpui tur an nihna hian beiseina a siam lian hle bawk.
Coaching Staff:
1. John MS Dawnga Sailo Chaltlang (Manager)
2. Lalruatfela Dawrpui (Head Coach)
3. John Lalchhanchhuaha Leitan (Asst. Manager)
4. ZD Denghmingliana Kanan (Asst Coach)
Players:
1. Lalrinmawia Khatla East
2. PC Malsawmzuala Venghlui
3. Lalrotluanga Venghlui
4. Christian lalhmachhuana Sailo Kanan
5. Jason VL Hruaia Chanmari
6. Abel Darthantluanga Hruaitluang Bungkawn
7. Rinsangkima Bungkawn
8. KC Lalrinhlua Dawrpui Vengthar
9. Lalduhawma Pachuau Dawrpui
10. Lalawmpuia Rokhum Tuikual
11. Joshua C.Lalnundika Nursery