Daily Newspaper

Mizoram luhna kawng dan tum thulh

36

Mizoram luhka pawimawh National Highway 306 danchah tumna chu inremna a awm avangin thulh a ni.

Mizoram Oil Tanker Driver’s Association (MOTDA) leh Silchar Truck Driver’s Association (STDA) te hi Mizoram Police leh Assam Police kaihhruaina in Zirtawpni khan Vairengte a IR duty post-ah an inbia a, an inbiak chhan hi, Covid Care Centre Thingdawl-a Barak Valley driver leh handyman Covid-19 kai an dahkhawm, Mizoram sawrkarin a enkawl dana lungawilo nia insawiten kumin September 12 zana Lailapur-a Silchar Truck Driver Association-ten Mizoram tank lorry 12 leh driver leh handyman-te kut an lo thlak chungchangah a ni a. MOTDA lam hian kutthlaktute hi manchhuah an nih loh chuan September 29 atanga ni sarih chhung awh Mizorama lut tur bunraw truck dan an tum ve thung a ni.

MOTDA phut angin hemi tuma lirthei tihchhiatte hi STDA hian an chawi dawn bakah driver leh handyman hliam tuarte zangnadawmna an pek dawn vangin an inrem a ni.

MOTDA leh STDA hian buaina insiamsak tawn tawh loh leh harsatna an tawhah pawh inpuihtawn nise, an ti a. MOTDA pawhin Mizo tanker driver leh handyman-te chunga kutthlak thua Dholai Police Station-a FIR an thehluh chu he inremna avang hian an hnukkir ve nghal bakah ni 7 chhung Mizorama lut leh chhuak tur mamawh phur truck danchah an tum chu an thulh ve bawk a ni.

Inremna a awm tak avang hian bungraw phur truck, tanker leh LPG phurten kumin September 18-a sawrkara an thlen, Lailapur atanga Vairengte inkar Mizoram Police venhimna an phut anga venhimna pek mek pawh tihtawp nghal a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy