Mizoram Police amiten dawng
Kumin Republic Day denchhena chawimawina leh lawmman semchhuahah Mizoram Police Department hnuaia thawk lai zingah dawng an awm nual.
Sawrkar laipui Ministry of Home Affairs-in a pek zingah IGP (Crime) Seju Perekattu Kuruvilla chuan Police Medal for Meritorious Service a dawng a; senior SP (Wireless) Lalruatsanga Tochhawng leh 2nd Bn MAP inspector MC Lalhmingthanga-ten Police Medal for Meritorious Service an dawng a; deputy SP (M) Lalmuanthangi’n President’s Police Medal for Distinguished Service a dawng.
Kumin Republic Day-ah Police, Fire & Emergency Services leh Mizoram Home Guard & Civil Defence hnathawk tha chawimawina hlan an ni bawk a. Independence Day 2025-a puan tawhah 3rd Bn MAP commandant Lalringdika’n President’s Police Medal for Distinguished Service a dawng a; Police Medal for Meritorious chu senior SP Traffic (a hunlai) Stephen Lalrinawma, 3rd Bn MAP inspector TC Zothansanga, fire fighter pahnih – Laldanzira leh Lalhmangaiha Colney, sergeant major (company) pahnih – R Pachhunga leh J Laldenga ten an dawng.
Mi pasarih hnenah Governor’s Gold Medal hlan a ni a. SI C Vanlalruata, CID (SB); SI Lalrinpuii Pachuau, Aizawl DEF; SI T Lalthianghlima, Champhai DEF; ASI Lalrinngheta, Saitual DEF; naik F Lalmuankima, 1st Bn. MAP; const. Zorama, 2nd IR Bn; const. Lalchhuanliana, Champhai DEF te an ni.
Governor’s Silver Medal chu – inspector Lucy Zosangzuali (Security Unit); inspector Lalrinmawia Colney (Security Unit); SI Zoensanga, Aizawl DEF;ASI H Lalpekhlua, Saitual DEF leh const. Joseph L Hmar CID (SB) hnenah hlan a ni bawk.
Mizoram Police amiten dawng
