Daily Newspaper

Mizoram Police leh MZU thawk dun dawn


Mizoram Police leh Mizoram University chuan thawhhona leh inremna thuthlung, Memorandum of Understanding (MoU) an ziak.

Thawhtanni khan inremna thuthlung hi an ziak a. Mizoram DGP SBK Singh leh Mizoram University vice chancellor Prof. KRS Sambasiva Rao ten hmanpuiin, MoU hi Mizoram Police aiawhin IGP (Hqrs.) John Neihlaia leh Mizoram University aiawhin registrar Prof. Lalnundanga ten hming an ziahhnan a ni.

He inremna thuthlungah hian Mizoram Police hnuaia mi man thenkhat leh misual kut tuar, hmeichhia pawngsual tawkte, rilru lama harsatna neite leh a dang dangte hnena a tul anga counselling pek leh siamthat tumna lama thawhho leh tantlannate a huam a, tunlai mila Mizoram Police tihchangtlun (modernization) lam hmalakna project hrang hrang leh Mizoram University-a technical expert-te nena technical training-a thawhhonate a tel bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy