Mizoram State Level Weightlifting Championships 6th Youth (Boys & Girls),15th Junior (Men & Women) leh 20th Senior (Men & Women) Championships chu Ramhlun Sports Complex-a MSSC Weightlifting Academy-ah August ni 12-14, 2025 chhung khan nghah a ni a, senior-ah Lalruatfela chuan snatch leh clean and jerk-ah Mizoram record thar a siam.
Nikum, 2024 state championships-ah khan Silvan Beihrothatlo chuan snatch-ah 125 kg chawiin record thar a siam a, clean and jerk-ah kg 157 puitlinin record thar a siam bawk a, hei hi Ruatfela chuan khumin, snatch-ah 136 kg leh clean and jerk-ah 180 kg a chawi a, record ding lai a khum ta a ni.
Overall team champion (women) chu SYS niin, runner’s up chu MSSC – Non Residential Coaching (NRC) an ni a; overall team champion (men) chu MSSC-NRC niin, runner’s up chu SYS an ni thung.
Best Lifter (Women) Youth, Junior leh Senior-ah Pricilla Biakremmawii (MSSC-NRC) thlan niin, Best Lifter (Men)
Youth-ah Laithanpuia (MSSC-NRC) thlan a ni.
Best Lifter (Men) Junior leh Senior-ah Isak Malsawmtluanga (MSSC-NRC) thlan a ni ve bawk.
Mizoram record thar siamtu weightlifer Lalruatfela
