Mizoram sawrkar chuan ramri hung a duh lohna a la dinpui reng a; chutihlaiin central thuneihna a nih avangin state sawrkar chuan dodal theihna a nei lo tih a sawi. Nilaini khan chief minister Lalduhoma kaihhruaiin Council of Ministers an thukhawm a. An thurel zingah Home department atanga lut, Indo-Myanmar border fencing chungchanga state sawrkar ngaihdan sawiho a ni. ‘Mizoram sawrkar chu a dinna ngaiah a la ding a. Amaherawh chu, central subject a nih avangin state sawrkar chuan dodal theihna a nei lo,’ tiin thu dah a ni.
Hemi chungchangah hian Mizoram State Assembly chuan Indo-Myanmar ramri hung duh lohna resolution chu lungrual takin an lo pawm tawh a ni.
School provincialise chungchang ngaihtuah a ni a. School qualify-te chu provincialised nise, dan anga (formality) tih fel ngai tihfel a nih hnuah Law department endik (vet) tur a ni anga, chumi hnuah Finance department leh DP&AR paltlang a ngai leh dawn, tia sawi a ni.
Hemi chungchangah hian Mizoram Govt. Ad-hoc Aided School Teachers’ Union (MIGASTU) chuan, kum 2023-a adhoc aided school-te provincialised-na, tun sawrkarin a sut leh tak chu AMC inthlanpui neih hma ngeiin provincialised status-a dah let turin sawrkar an phut thu an lo sawi tawh a ni.
An thu pawm zingah hengte hi an tel:
The Mizoram State Cooperation Policy 2025
The Mizoram Home Guards Rules 2025
Draft Sialkal Range Development Council Bill 2026
Mizoram State Project Monitoring Committee Annual Report 2024-2025
Mizoram Jan Vishwas (Amendment of Provisions) Bill 2026
Proposal for revocation of counting of past service provision in Notifications
Draft the Mizoram Drug Treatment -cum- Rehabilitation Centre Accreditation Rules 2026
Proposal for adoption and implementation of “Charter of Financial Advisers”
Proposal for amendment of the Mizoram Private Security Agencies Rules 2022 by notifying the Mizoram Private Security Agencies (Amendment) Rules 2026
Proposal for the Mizoram Shops and Establishments (Regulation of Employment and Conditions of Service) Amendment) Bill 2026 an amendment to the Mizoram Shops and Establishments (Regulation of Employment and Conditions of Service) Act 2010
Mizoram sawrkarin ramri hung duh lo School qualify ho provincialise dawn
