Mizoram tan Ju-Jitsu gold medal paruk a hmin!
January ni 31 atanga February ni 2 chhunga Guwahati, Assam-a 1st North East AJu-Jitsu Championships khelh zawh takah Ju-Jitsu Association of Mizoram (JAM) chuan Mizoram aiawh turin infiammi panga leh coach pakhat a tir a, gold medal paruk leh bronze medal pathum an rawn hawn.
Ju-Jitsu hnuaiah hian fighting style chi thumah inelna a awm a, chu’ngte chu: Ne-Waza (Brazilian Jiu-Jitsu), Contact Fighting (MMA Rules) leh Fighting System (Semi Contact striking leh Grappling)-te a ni.
Fighter-te hi JAM hian team entry fee, accomodation and food a tumsak vek bakah SPES Martial arts Academy-in kal man a tumsak bawk a ni tih JAM general secretary C. Lalrinpuia’n a sawi
Ju-Jitsu hi khawvela Martial arts thang chak berte zinga mi niin, kum naupang ber atanga upa ber thleng pawha zir theih, self defense leh MMA atan pawha tangkai berte zinga mi a ni a, ram thenkhatah phei chuan police leh school curriculum-ah compulsory-a dah hial a ni.
Mizoramah pawh hruaitute thahnemngaihnain national leh regional tournament-ah intirh ziah a ni a, India ramah ministry of sports recognized game a nih bakah OCA pawm niin, ASIAN Games-ah hial medal game-ah telh a ni tawh a; India rama BJJ black belt 10 ai tlem awm zingah Mizoram-in pakhat kan nei ve hial.
Mizoram lamah pawh MSSC hnuaiah affiliation dil mek a nih thu leh thalaite ngaihsaktu sorkar hian a pawm ve vat an beisei thu JAM president Rothuamliana chuan a sawi.
MIZORAM TEAM:
1) Nazareth Lal\hazuala, Zemabawk East – Team Coach
2) HMS Dawngzuala, Dawrpui – 77 kgs
GOLD: Ne Waza (BJJ ) & Contact Fighting (MMA)
3) Lalawmpuia, Lengpui – 69 kgs
GOLD: Ne Waza (BJJ) & BRONZE: Contact Fighting (MMA)
4) Lalhmangaihzuala, Republic – 62 kgs
GOLD: Ne Waza (BJJ) & Contact Fighting (MMA)-Male
5) Francis Lalremruata, Republic – 56 kgs
BRONZE: Contact Fighting (MMA)
5) Lalchhuanawmi, Dawrpui Vengthar – 52 kgs
BRONZE Ne Waza (BJJ) & GOLD: Fighting System (Semi-Contact)