Sawrkar laipui scheme – Pradhan Mantri Kaushal Vikash Yojana (PMKVY) 4.0 hnuaia Mizoram thalai 10220 thleng huam thei skill development training kalpui mek chu Labour, Employment, Skill Development & Entrepreneurship (LESDE) minister Lalnghinglova Hmar leh Ministry of Skill Development & Entrepreneurship (MSDE) secretary Pu Atul Kumar Tiwari ten an sawidun.
PMKVY hnuaiah Mizoram tan ‘special project’ siamin, Mizo thalaite tuina leh thiam zawng mila skill development training kalpui turin hma lak nise an ti a. Sawrkar laipuiin ITI tihchangtlun a kalpui mek chungchanga Mizoram dinhmun an sawidun bawk.
Ministry of Labour and Employment (MoLE) secretary Sumita Dawra nen an inkawmnaah MoLE hnuaia scheme hrang hrang chu Mizoram tan tangkai leh hlawk zawka kalpui dan tur an sawidun a. Heng zingah hian sawrkar laipuiin hna tam zawk siam tura scheme a kalpui, Employment-linked Incentive (ELI) scheme bakah Employees’ State Insurance (ESI) scheme leh Employees’ Provident Fund (EPF) scheme a tel a ni.
Sports minister Lalnghinglova Hmar hian Ministry of Youth Affairs & Sports-a Department of Sports secretary Sujata Chaturvedi pawh a kawm a ni.
Mizoram thalai sing chuang tan skill training kalpui mek
