Tun hnaiah Mizorama lut ru mi pahnih manchhuah an ni a, quarantine centre-ah dah mek an ni. Quarantine centre atanga an chhuah veleh police te’n manin thubuai siamsak an tum.
An manchhuah pakhat chu sipai, Sikkim a\anga Mizorama lut a ni a, ‘rental car’ hmanga Mizoram hi lutin, Aizawlah te pawh a chawl nia hriat a ni.
Thu dawn danin, Aizawl atang hian taxi-in an khua (Phullen) a pan a, a taxi khalhtu chuan sipai bang, Mizorama rawn haw a ni tih a hriatin, Saitual bawrhsap office a panpui ta tawp mai a ni. Saitual-ah hian quarantine centre-ah dah nghal a ni a, a taxi khalhtu pawh chu quarantine centre-ah hian dah a ni.
July ni 31 khan he mi hian Mizoram a lut tih thu dawn a ni.
Driver anga insawia Mizorama lut mi dang pakhat pawh manchhuah a ni a, ani hian driver anga insawia Mizorama luh phalna dilin, Mizoram a luh dawnah pawh driver angin a insawi tih thu dawn a ni.
