Daily Newspaper

Mizorama ruihhlo do hmalakna tur khuhhawnna, January 2 khan Aizawlah hmang

7

23 Sector Hqrs. Assam Rifles hnuaia awm 46 AR Aizawl battalion chuan Mizorama ruihhlo do hmalakna beihpui an thlakna tur khuhhawnna chu January 2 khan Aizawlah an hmang a. Mizorama pawl hrang hrang leh ruihhlo dona kawnga an thawhpui hrang hrang tualchhung mite an sawm a ni. 46 Assam Rifles commandant Col Viplav Tripathi chuan ruihhlo do kawnga anmahni huamchina hma lak an tum dan tlangpui sawiin, 23 Sector Assam Rifles DIG Brig. Digvijay Singh chuan ruihhlo do beihpui thlakna tura an duante hi a khuhhawng a, amah kaihhruai hian ruihhlo dona kawnga a tul anga tha thawh tura intiamna thu lak a ni. Ruihhlo do hmalakna hi thuang li-a kalpui a ni dawn a; Mizoram chhung hmun hrang hrangah ruihhlo leh a kaihhawih thatlohna chungchang leh mipuite a nghawng dante zirtirna pek a ni ang. Sawrkarin ruihhlo do kawngah theihtawp chhuah mah se, a la rem tak tak theih loh avangin Assam Rifles chuan sawrkar tha tichak tura hma lak an tum tih an sawi a. Ruihhlo chuan chhungkaw tin, hausa leh rethei, mithiam leh mithiam lo chhungkua a luhchhuah avangin thapui thawha beih a tul tih Brig. Digvijay Singh hian a sawi a ni.

Read More>> Full>> Epaper Subscribe Now

 

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy