Daily Newspaper

Mizorama test tawh mi 40797

7

Mizoramah RT-PCR, TrueNat leh Rapid Antigen Test hmanga Covid-19 kai leh kai loh enfiah tawh chu August 31 thleng khan mi 40797 an ni. Heng hmanrua pathum bakah Rapid Antibody Test hmanga endikte nen vek chuan Mizoramah mi 160947 endik an ni tawh.

Rapid Antibody Test chu Covid kai leh kai loh finfiahna atan a tawk zo lo nia sawi a nih hnu ah RT-PCR, TrueNat PCR leh Rapid Antigen Test te chu Health department chuan hri kai leh kai loh endik nan a hmang ta ber a. Mizoram-in testing laboratory a neih fel ve hma in sample 58 chu state pawn hmundang laboratory-a endik tura thawn a lo ni tawh a, hri kai pakhat hmuh a ni.

Zoram Medical College-ah Covid-19 kai leh kai loh endikna atana rintlak bera ngaih RT-PCR khawl bun ve a nih hnu ah tun thlengin mi 28420 endik an ni tawh a, hri kai hmuhchhuah hi 746 an ni.

ZMC tih lohah Covid kai leh kai lo enfiahna bun hmasak na ber chu Civil Hospital Lunglei a ni a, TrueNat-PCR khawl bun a ni. Hetah hian tun thlengin mi 1775 endik an ni tawh a, hri kai 72 hmuhchhuah tawh a ni.

Hemi hnu hian Kolasib leh Mamit district-ah te Rapid Antigen Test hi kalpui leh niin tun thlengin mi 10544 endik an ni tawh a, hri kai hmuhchhuah hi 192 an ni. Hmuhchhuah tam ber hi lirthei hmanga Vairengte screening point paltlangtu niin, heng zinga a tam ber hi nitin mamawh bungraw phur lirthei enkawltute an ni leh bawk.

Health department chhinchhiah danin, August 31 thleng khan hri kai hmuhchhuah tawh mi 1011 atangin civilian 482 (51.65%), force leh para military force 378 (23.69%) leh trucker (driver/handyman) 151 (24.64%) an ni a. Heng zinga 589 hi enkawlna hmun atangin dam taka chhuahtir (discharged) an ni tawh. Dam tawh chhuak zingah hian civilian 264, truckers 47 leh sipai 278 an awm a ni.

Hri kai enkawlna hmuna awm mek hi sipai 100, trucker 104 leh civilian 218, an vaiin mi 422 an ni. Tunah hian Mizoram district zingah Saitual leh Khawzawl district huamchhungah chiah Covid kai avanga enkawl an awm lo.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy