Daily Newspaper

Mizoramah 1000 tling ta

15

Mizoramah Covid-19 natna vei hriat thar an awm zel a, he natna vei hriatchhuah tawh zat chu 1003 a ni.

Information department-in Zirtawpni tlai dar 5 thlenga Mizoram dinhmun an puanah, he natna vei hriatchhuah tawh zat chu 1003 a ni a, mipa 829 leh hmeichhia 175 an ni.

Vanneihthlak takin he natna vanga enkawl lai aiin damdawi in chhuahsan tawh an tam zawk a, enkawl lai hi mi 489 niin, dam tawh hi mi 514 an ni.

Zirtawpni-a result hriatah hian ZMC-a hriatchhuah mi 26 an awm a, Lunglei damdawi ina hriatchhuah mi pakhat leh Rapid Antigen Test hmanga hriatchhuah mi pahnih an awm. An vai hian Ningani-a test an ni.

ZMC-a hriatchhuahte hi Aizawl District mi vek an ni a, mipa 23 leh hmeichhia pathum niin, kum 20 leh 68 inkar an ni. An zingah positive contact atanga kai mi 10 an awm.

Zangena Filling Station atanga contact tracing tihnaah hmeichhia kum 35 mi leh mipa kum 68 mi, Bawngkawn veng ve ve chu an positive a, Zangena Filling Station-a kal positive, Khanpui khaw mi atanga contact tracing tihah Zemabawk mi, mipa pahnih leh hmeichhia pahnih an positive bawk. Aizawl Venglai LLTF hruaitu mi pathum, mipa vek, kum 44 leh 48 inkar an positive bawk. Assam Rifles mi, kum 28 mi a positive bawk a, anni zawng hi positive contact atanga kai an ni.

Anni bakah hian ZMC-a hriatchhuah mi dang 16 an la awm a, mipa vek niin, kum 23 leh 44 inkar, state dang atanga rawn lut vek an ni. Quarantine centre-a awm lai vek an ni.

Rapid Antigen Test hmanga hriatchhuah mi pahnihte hi Mamit District mi ve ve, mipa ve ve, kum 22 leh 27 mi an ni a, West Bengal atanga rawn haw an ni.

Lunglei damdawi ina hriatchhuah hi mipa, kum 37 mi a ni a, Assam atanga rawn lut a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy