Daily Newspaper

Mizoramah Covid-19 natna vei hmuh belh

24

Aizawl, July 18 : Mizoramah Covid-19 natna vei hmuh belh leh a ni a, Zirtawpni tlai lam thleng khan he natna vei hriatchhuah zat chu 272 a ni.

Information & Public Relations department chuan Zirtawpni khan he natna vei hriatchhuah thar mi panga an awm thu an puang a, Zirtawpni zan tir thlengin Mizorama he natna vei hriatchhuah mi 272 niin, mipa 179 leh hmeichhia 93 an ni.

Positive hriatchhuah thar mi pangate hi ZMC-a sample endikte an ni a, mipa pali leh hmeichhia pakhat niin, Karnataka, UP, Bihar, Tripura leh Nagaland a\anga tun hnaia rawn haw an ni.

Aizawl District mi pathum leh Serchhip District mi pahnih an ni a, a naupang ber kum 20, a upa ber kum 39 an ni. An vai hian quarantine ti lai an ni a, ‘symptom’ nei lo vek an ni.
He natna vei hriatchhuah tawh mi 272-te zingah hian mi 160 chu damdawi in a\angin an chhuak tawh a, damdawi ina enkawl lai chu mi 112 an ni.

District pathum- Khawzawl, Saitual leh Hnahthial district-ah te enkawl lai an awm lo a, Hnahthial district-ah hian positive hriatchhuah an la awm lo.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy