Daily Newspaper

Mizoramah Covid hri kai enkawl sang 6 chuang awm

16

Mizoramah Covid-19 kai enkawl mek mi 6000 chuang an awm a, he hri kaihhnawiha nunna chan chu 130 an tling hnai ta hle bawk.

Health department-in July 21 tlai dar 5.00 thlenga a chhinchhiah danin, Mizoramah hri kai enkawl mek 6662 an awm a, enkawlna hmun atanga dama chhuak 170 an awm. Hei hi zan dar 9.00-a upadate hnu ah pun belh thei a ni. He hri kaihhnawiha nunna chan 127 an awm tawh a, Aizawl district chu nunna chan tam ber niin 101 an awm a; vanneih thlak takin Hnahthial leh Khawzawl districxct-ah he hri kaihhnawiha nunna chan an la awm lo.

July 20-a sample 4530 endik atangin Covid-19 kai hmuhchhuah 725 an awm a; an zinga 651 hi an taksaa natna langchhuak tawh an ni. Hri kai hmuhchhuah 725 zinga 647 hi Rapid Antigen Test atanga hmuh an ni a, RT-PCR atangin 44, TrueNAT atangin 34 an ni.

Tun thlengin Mizoramah Covid kai hmuhchhuah 29020 an awm tawh a, 2011 chhiarpui behchhana chhut chuan mihring 1000 zela hri kai hmuhchhuah tawh hi 26 an ni.

Mizoramah Covid kaihhnawiha nunna chan 127 an awm ta a, hri kai hmuhchhuah tawh atanga chhutin za zelah 0.44 a ni. July 21 zing dar 9.50 khan Lalbeiseia (71), Vairengte chu ZMC-ah thi a, amah hi July 13 khan hri a kai tih hriatchhuah, natna benvawn nei sa niin, July 15 khan ZMC-a dahluh a ni.

July 20 zan dar 8.10 khan K Lalfima (73), Venghlui Aizawl chu ZMC ah a thi a, a ni hi July 18 khan hri a kai tih hriatchhuah niin, hemi ni vek hian ZMC-ah admit nghal a ni a, taksa lam hrisel lohna nei sa a ni.

July 20 zing dar 1 khan C Vanlalduhbera (41), Saikao Siaha district chu ZMC-ah a thi a, a ni hi June 14-ah hri a kai tih hriatchhuah niin, Siaha District Hospital-a enkawl a nih hnu ah ziaawm lam a pan theih loh avangin June 27 khan ZMC-ah dahluh a ni. July 20 zing dar 6.30 khan K Rochhunga (85), Bethlehem Vengthlang Aizawl chu a thi a. July 11 khan hri a kai tih hriat niin, Covid Care Centre-a dahluh a nih hnu ah a dinhmun a that vak loh vangin July 13 khan ZMC-ah dah a ni a, ICU-ah awm nghalin July 14 atang khan ventilator hmantir a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy