Daily Newspaper

Mizoramah Covid kaihhnawiha nunna chan 120

12

Mizoramah Covid-19 kaihhnawiha nunna chan mi 120 an awm tawh a, hri kai zingah dama chhuak tawh 20,653 an awm.

July 16 zan dar 6:30 thlenga chhinchhiah danin, Covid kaihhnawiha nunna chan mi 120 an awm a, July 16 bik hian nunna chan pathum an awm. C Chawngbuanga (74), Venghlui Aizawl chu July 16 tlai dar 6:10 khan ZMC-ah Covid kaihhnawihin a thi a, a ni hi July 10 khan hri a kai tih hriatchhuah niin hemi ni hian ZMC-a dahluh a ni. Chawhma dar 11.30 khan J Ramthangi (74), College Veng Aizawl chu Covid kaihhnawihin ZMC-ah a thi a, July 3 khan hri a kai tih hriatchhuah niin hemi ni hian ZMC-a dahluh a ni. Chawhma dar 9.40 khan Lalnunthari (68), Serte Lunglei district chu Covid kaihhnawihin ZMC-ah a thi, July 5 khan hri a kai tih hriatchhuah niin, July 6-ah ZMC-a dahluh a ni.

July 15 zan dar 7:40 khan A Malsawmi (72), Ditlang South, Lawngtlai district chu Covid kaihhnawihin ZMC-ah a thi a, July 5 khan hri a kai tih hriatchhuah niin, hemi ni hian ZMC-a dahluh nghal a ni.

July 16 tlai dar 5:00 thlenga chhinchhiahah Mizoramah Covid kai leh kai loh hriat nan sample 5,46,194 endik a ni tawh a, hri kai 26,207 hmuhchhuah tawh niin, heng zinga 20,653 chu enkawl dam an ni tawh a, he hri kaihhnawiha nunna chan 120 awmin hri kai hmuhchhuah atanga chhutin za zelah 0.45 a ni.

July 15-a sample endik, July 16 zinga result tihchhuahah sample 4537 endik atangin Covid-19 kai hmuh thar 456 an awm a; ZMC RT-PCR ah hri kai 87 hmuh niin, TrueNAT a hmuh 26, Rapid Antigen Test Positive a hmuhchhuah 343 an awm a ni. Hri kai hmuh zingah an taksaa natna langchhuak tawh 268 leh lang chhuak lo 188 an awm a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy