Daily Newspaper

Mizoramah Covid kaihhnawiha nunna chan 130

16

Mizoramah Covid-19 kaihhnawiha nunna chan chu 130 an tling ta a, kumin bika nunna chan hi 122 an ni.

Health department chhinchhiah danin, Covid-19 kai hmuhchhuah 29,645 awm tawh atangin nunna chan 130 an awm a, hri kai hmuhchhuah tawh atanga chhutin nunna chan hi za zelah 0.44 an ni. Kumin July bika nunna chan hi 37 an ni. Kuminah Covid kaihhnawiha nunna chan tawh hi 122 an ni bawk.

July 22 khan zing lamah mi pathumin nunna an chan a. Zing dar 2:20 ah Lalramliana (44), Bawngkawn Aizawl chu ZMC-ah a thi. Ani hi July 14 khan hri a kai tih hriatchhuah niin, hemi ni vek hian ZMC-ah dahluh a ni a, natna benvawn nei sa a ni. Zing dar 6:05 ah Khamliana (87), Armed Veng South chu ZMC-ah a thi a; a ni hi July 18 khan hri a kai tih hriatchhuah niin, hemi ni vek hian ZMC-ah dahluh a ni a, amah hi natna benvawn nei sa a ni. Zing dar 7:20 khan MT Lawia (98), Rengtekawn Kolasib chu Kolasib-ah Covid kaihhnawihin a thi a, ani hi July 16 khan hri a kai tih hriatchhuah niin, hemi ni vek hian Kolasib-a Covid kaite enkawlna hmunah dahluh a ni. A kum upat tawh avangin taksa chak lo sa nia sawi a ni a, a chenpuite pawhin hri hi an kai mek a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy