Mizoram House Kolkata Salt Lake-ah hmun dang rualin Republic Day vawi 75-na hman a ni a. Mizoram Legislative Assembly speaker Lalbiakzama’n a hmanpui.
Speaker hian ram puanzar pawtpharhin Kolkata leh ram pawna Mizoram House kan neihte official-ten duty-a an kal leh damloten kan pan changin an pawimawh tih a sawi a. Tun sawrkarin ram pawna state rohlu, hmunhma, building leh thildang neih belh zel theih chu a duhdan a ni, tiin, sawrkar kalta in Old Ballygunge Kolkata-a Mizoram House tihral tuma ruahmanna a lo siam pawh laklet leh tuma hma lak mek a ni a, thui tak an kal tawh tih a sawi a ni.
Thawktute chu mikhual dawnsawn chungchangah an pawimawhna hria a, an duty hlen turin a ngen a ni.
Republic Day hmannaah hian Salt Lake leh New Town-a Mizoram House official-te leh thawktu dangte bakah Kolkata-a Mizo awm thenkhatte nen hun hman ani.
Mizoramah House-ah hmang
