Daily Newspaper

Mizoramah hri kai hmuh tawh 4,035

7

Sample endik tawh 1,64,318 atangin Mizoramah Covid-19 kai hmuhchhuah tawh 4,035 an awm a, hri kai enkawl mek 185 an awm.

Health department chhinchhiah danin sample endikna chi thum hmanga hri kai leh kai loh endik tawh 1,64,318 an awm a, hri kai hmuhchhuah hi 4,035 awmin heng zinga 1,907 chu tualchhunga inkaidarhna atanga kai nia hriat an ni. State pawn atanga hri kai saa rawn haw nia ngaih hi 2128 an ni. Hri kai hmuhchhuah zinga 2,881 chu tualchhung mi an ni a, hri kai hmuhchhuah tawh zawng zawng atangin za zelah 87.50 an ni.

December 12-a sample endik, December 13 zinga result tihchhuahah ZMC RT-PCR laboratory-a sample 389 endik atangin hri kai 7 hmuhchhuah an ni a, state pawn atanga hri rawn kai haw vek nia ngaih an ni.

District hrang hrang TrueNAT laboratory-a sample 104 endik zingah hri kai hmuhchhuah a awm loa; Rapid Antigen Test hmanga 541 endikah hri kai hmuhchhuah 4 an awm a, tualchhunga inkaidarhna atanga kai vek niin, an zinga pakhat hi a taksaa natna langchhuak tawh a awm a ni.

Pathianni khan ZMC RT-PCR laboratory bik chu an chawl a, Thawhtanniah sample laksa endik zawm a ni ang.

December 11-a sample endik, December 12-a result tihchhuahah 16 hmuh an ni a. ZMC RT-PCR laboratory-a sample 234 endik atangin hri kai hmuh 6 an awm a, an zinga 4 hi state pawn atanga haw, rawn kai lut nia ngaih an ni. A dang pahnih hi an pa ber hri kaina atanga kaichhawng nia hriat an ni.

TrueNAT laboratory-a sample 219 endik atangin hri kai hmuh pakhat a awm a, state pawn atanga rawn kailut nia ngaih a ni. Rapid Antigen Test hmanga mi 503 endiknaah hri kai hmuh thar 9 an awm a, an zinga 6 hi tualchhunga inkaidarhna atanga kai nia hriat an ni a, a bak pathum hi Shillong atanga rawn kal an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy