Daily Newspaper

Mizoramah paramilitary force mi 64 positive tawh

11

Aizawl, July 16 : Tun hnaiah Mizoramah force mi, Covid-19 natna vei hriatchhuah thar an awm a, Nilaini tlai lam thleng khan force mi he natna vei hi mi 64 an ni.

Mizoramah hian paramilitary force an awm nual a, Assam Rifles, BSF, BRO (Border Roads Organisation) leh NDRF (Natural Disaster Respond Force) te an awm. Mizoram sorkarin Covid-19 hrileng chungchanga thupuangtu atana a ruat Dr Pachuau Malsawma chuan Mizorama awm paramilitary force mi 64-te chu Covid-19 natna vei an ni tih hriatchhuah a ni tawh tih The Aizawl Post a hrilh.

Nilaini tlai lam thleng khan Mizoramah he natna vei mi 238 hriatchhuah an ni tawh tih leh an zinga 64 chu paramilitary force an ni tih a sawi a ni.

Positive hriatchhuah tawh mi 238-te zinga mi 159 chu damdawi in a\angin an chhuak tawh a, mi 159-te hi civil mi vek an ni.

Covid-19 natna vei vanga enkawl lai mi 79 an awm a, chung zinga 64 chu force mi niin, mi dang 15 chu civil mi an ni.

Dr Malsawma hnen a\anga thu dawn danin force mi he natna vei hriatchhuah tawhte hi damdawi inah an la awm vek a, Falkawn damdawi inah vek an awm.

Za zela an tam lam chhutin Mizorama Covid-19 natna vei hriatchhuah tawhte zinga 26.89% chu force mi an ni a, he natna vei enkawl laite zinga 81% chu force mi an ni.

He natna vanga enkawl force mite hi hnam dang vek an ni a, ngaihtuahawm an ni lo tih thu dawn a ni.

Mizorama positive hriatchhuah tawhte hi mipa 149 leh hmeichhia 89 an ni a, Hnahthial District tih loh district dang zawngah positive hi hriatchhuah an awm tawh.

# Mizoramah +ve 238 an awm
# Mi 159-in damdawi in an chhuahsan tawh
# Mi 238 zingah force mi 64 an awm
# Force mi hi an vaiin enkawl mek an ni

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy