Thawh\anni-ah Mizoramin Covid-19 natna vei hriatchhuah thar a nei lo a, hemi ni hian Covid-19 natna vei mi 30 te’n damin damdawi in an chhuahsan bawk avangin Mizoram tan ni lawmawm a tling.
Thawh\anni khan October ni 4-a endikte result hriat a ni a, mi 424 endikte an negative vek a ni.
Information department thuchhuaha a lan danin, ZMC laboratory-ah October ni 4-ah sample endik a awm lo a, district hrang hrang TrueNAT laboratory-ah endik a awm lo bawk. Rapid Antigen Test hmangin mi 424 endik an ni.
Thawh\anni khan Covid-19 natna vanga enkawl mi 30 te’n anmahni enkawlna hmun an chhuahsan a; Mamit CCC a\angin pakhat, Serchhip Nursing School CCC a\angin pariat, Chhiahtlang CCC a\angin pakhat, Tanhril-a Tribal Art Centre CCC a\angin mi 17, an vaiin mi 30 an chhuak a ni.
Mizoramah Covid-19 natna vei mi 2120 hriatchhuah an ni tawh a, mi 1807-in damin damdawi in an chhuahsan tawh. Enkawl lai mi 313 an awm.
He natna vei hriat-chhuah tawhte hi mipa 1753 leh hmeichhia 367 an ni.
(THE AIZAWL POST – Tualchhung)
Full>> ePaper Subscribe
