October 5-8, 2023 chhunga Noida Indoor Stadium, Uttar Pradesh-a khelh zawh tak 2023 National Open Taekwondo Championship-ah R. Lalbiaknuami (TABF) chuan bronze medal lain, Ramdingliani (TABF) kutah kyorugi gold medal leh poomsae bronze medal a lut bawk.
Biaknuami hi under 49kg huangah khelin, he inelnaah hian Mizoram atangin amah chiah a inlan a; first round a bye hnuah quarter-final lutin Uttarakhand player lakah 13-0, 19-10 hnehna a chang a, semi-final bout-ah a thlengtu Uttar Pradesh hminga khel Mizo naupang Ramdingliani a hneh zo ta lo a ni.
Rami hian gold medal a lakna kawngah Sikkim player chu 4-2, 10-9-a hnehin, Madhya Pradesh aiawh lakah 14-0, 13-1 hnehna a chang leh a, Mizoram player laka 13-5, 11-9 hnehna a sualchhuah hnuah 4-2, 4-3-a UP player hneh lehin gold medal a awrh a; poomsae inelnaah bronze a awrh bawk.
He championship-ah hian technical official niin Robert Laltluangkima, Serchhip a kal bawk.
Mizote kutah Taekwondo medal pathum
