MJA-in Mizo Regiment din ngen
MJA Gen. Hqrs hruaituten Thawhlehni khan larsap Gen. Vijay Kumar Singh *Retd) chu Raj Bhavan-ah hmuin, an ngaihpawimawh an sawipui.
MJA member-te tan India sipai hmun pawimawh tlawh dilna Lok Sabha MP Richard Vanlalhmangaiha kaltlanga Union Defence minister Rajnath Singh hnena an thehluh chu a hlawhtlin theihnan theihtawpa bawhzui sak turin MJA hruaitute hian an ngen a. Larsap chuan an ngenna chu a hlawhtlin theihnan a lo bawhzui tur thu a lo hrilh.
An thu thlen zingah – Mizo thalai tam zawk sipaia an luh theihnan theihtawp chhuahpui tura ngenna; Mizo Regiment din theih dan tur; Mizorama Army battalion leh Airforce Station din a nih theih dan tur sawi a ni a. Sipai officer-ah Mizo thalai tam zawk an luh theihnan Chhingchhipa Sainik School chu tha taka a kal a, a changtlun zel theihnana hma lak dan tur pawh sawi a ni.
Larsap chuan, Mizo thalai sipaia tan tum zingah lehkha pawimawh nei famkim lo an awm thin chu harsatna pakhat a ni tih a lo hrilh a. Sipaia tan tumte chu lehkha pawimawh – voter ID, Aadhar card leh ration card-ah hming inmil thlap nei thin turin a chah.
MJA-in Mizo Regiment din ngen
