Daily Newspaper

MKHC-ah MLA bantir tura ngenna chungchang sawi ri

10

Zirtawpni khan Mizoram Kohhran Hruaitute Committee (MKHC) an thu a, hetah hian speaker hnena MLA pakhat bantir tura ngenna chungchang sawi rik a ni. Mahse a thuphunga sawi rik a ni tih thu dawn a ni.

MKHC secretary Rev R Lalrinsanga chuan he thil hi sawi rik a nih thu a sawi a, mahse thurel a nih loh thu leh a thuphunga sawi mai an nih thu a sawi.

“He thil hi kan ngaihtuah lo. Agenda-ah pawh a tel lo…” tiin The Aizawl Post a hrilh a, ngaihtuah turin MKHC hi ngen a nih loh thu a sawi bawk.

Rev Rinsanga chuan tunlai boruak thlira thukhawm an nih thu a sawi a, “Tunlai boruak thlirna tih a ni a, thla a thar a, SOP thar te a awm a, biak in hawn chungchang te, thlir tur a awm a. Tunlai boruak thlirna han tih hian he thil hi tunlai boruakah chuan a lian alawm mawle tia a thuphunga sawi kan awm a. Chu chu kan sawi rik dan chu a ni mai a, agenda-ah kan lalut lo,” tiin a sawi.

“Tunlai boruak thlirna han tih hian, tunlai boruakah chuan hemi chungchang hi a lo lian ve bawk a. Amaherawhchu agenda-ah a tel lo hrim hrim a, a thuphunga han sawi bak sawi zui a awm lo a, kan rel lo hrim hrim a ni,” a ti bawk.

Ningani zan vel atang khan Serchhip bialtu MLA Lalduhoma bantir tura ngenna chungchang sut turin chief minister-in MKHC a ngen tih thawm social media-ah a ri a, Zirtawpni-a MKHC thutkhawm hnuah hei hi social media lamah ri zui zelin, chief minister ngenna an hnawl tiin social media lamah chuan a darh a ni.

Rev. Rinsanga chuan chief minister ngenna an dawn loh thu a sawi a, hmun dang ayang pawhin an ngen lo tih sawiin, “Chief minister-in a ngen ti khan an sawi a, chutiang chu kan hre lo. Ngenna kan hmu lo,” a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy