Daily Newspaper

MKHC-in dawhthei hram hram turin kohhrante ngen

14

Mizoram Kohhran Hruaitute Committee chuan Covid-19 leng vanga mipui himna atana sawrkar thuchhuahte zawm hram hram tura chahin biak ina inkhawm rih loh, tih pawh dawhthei taka nghak hram hram turin kohhran mite a ngen.

MKHC thuchhuak chuan, Covid-19 laka mipui himna atana sawrkarin inkhuahkhirhna dan a siam angin, hun rei tak biak ina inkhawm thei loa kan awm tawh thu leh biak in lama inkhawm chak hle tawh mah ila, sawrkar thuchhuah anga biak ina inkhawm neih rih loh zel chu he hrileng laka kan him zawkna tur a nih avangin dawhthei hram hram turin kohhran mipui an inngen tih a sawi.

‘Pathian biak inah inkhawm thei lo mah ila, inthlahdah loa chhungkuaa Pathian pawlna, chhung inkhawm uar zawka nei hram hram turin chhungtinte kan inngen a. Kohhran mipui zawng zawngten mahni kohhranin Pathian kan biak ni, Pathianni/Sabbath serh chungchang leh kohhran serh leh sangte ngaipawimawh lehzual turin kan inngen a ni,’ a ti.

Tun thlenga Covid-19 avanga Mizorama thi kan la awm lote, he hri avanga na zual lutuk kan awm lote chu kohhran hote tawngtaina Pathianin a chhanna a ni tih MKHC hian sawiin, ‘He hri donaa thawktute thawhrimna avang a ni tih hriain Pathian hnenah lawmthu sawiin, theihtawp chhuahin tawngtai zel ang u,’ a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy