Daily Newspaper

MLA atanga Duhoma ban turin Speaker ngen

12

Mizo National Front party MLA 10 chuan MLA Lalduhoma chu India danpui bawhchhiaa puhin MLA a nihna atanga ban (disqualify) turin Assembly Speaker an ngen.

MNF MLA 10-te hian 2020 September 22 khan a hran theuhin State Assembly Speaker Lalrinliana Sailo hnenah lehkha thehlutin, MLA Lalduhoma chu independent ticket-a thlantlin ni siin party dang ZPM a zawm niin an sawi.
‘Pu Lalduhoma hi MLA atan independent ticket-a thlantlin a ni a, chumi hnuah mipui vantlang hriatah ZNP party-in ZPM party thar zawmin an inchhunglut vek tih a puang a. Chumi hnuah ZPM party office-a a kal bakah ZPM party function-ah mitharte ZPM party-ah lawmlutin thu a sawi a. Chuvangin, Pu Lalduhoma hian India Constitution 10th Schedule para 2(2) a bawhchhia a ni,’ an ti.

Hetiang hi state danga a lo thlen tawh dan pawh tarlang telin, ‘Kum 2006-ah independent-a thlantlin Haryana MLA Jagjit Singh chuan Congress party a zawm a; an Assembly Speaker-in a lo bantir (disqualify) tawh a. Chumi thuah chuan Supreme Court chuan mi in party dangah member atan inziaklutin fee pe lo mah se, a taka a thiltih leh a chetdanin chu party zawmna chu a takin a lantir ngei a nih chuan, chu chu thutlinga ngaih tur a ni a. Chutiang taka Haryana Assembly Speaker-in rorela Jagjit Singh-a bantirna chu a lo pawmpui thlap tawh a ni,’ an ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy