Daily Newspaper

MLA ban kha politic-a inbeihna – ZPM

6

MLA atanga Pu Lalduhoma ban a nih dan chu dan leh dan inbeihna niloin, politic-a inbeihna ngei a ni tih Zoram People’s Movement party chuan an sawi.

ZPM Gen. Hqrs. thuchhuak chuan, November 27-a Mizoram State Legislative Assembly speaker-in ZPM Legislature Party leader Pu Lalduhoma Anti-Defection dan tlawhchhana hmangin MLA a nihna atanga a paih kha ZPM chuan pawi a ti hle tih a sawi.

‘MLA atanga Pu Lalduhoma bang tura ngentute kha MNF MLA te an ni a, a bantu pawh MNF party-in MLA atana a thlantlin tho a ni. Pu Lalduhoma bantir a nih dan hi dan leh dan inbeihna niloin, politics-a inbeihnaah ZPM chuan a ngai a, politics avangin politician-ten an hnawl a, speaker thutlukna hi dan hmanga rorelna niloin politics-a rorelnaah ZPM chuan a ngai a ni,’ a ti.

Mizoram political history-a chuang reng tawh tur, India ram hmundangah pawh la awm ngai lo, MNF sawrkarin mimal inhuatna ni ngeia ngaih theiha Pu Lalduhoma chunga an thiltih duh chu lungchhiatthlak hlea a ngaih thu leh a thlangtu phatsana puhtute chu Zoram mipui zahlohna leh pawisak lohna an lantirah ZPM chuan a ngai tih a sawi.

‘MNF sawrkar hian Assembly House chhung leh pawna thurawn pek leh sawiselna an ngaithei lo sawt hle a; an huat thu a chhia in, thuneihna hmanga beihlet an ching ta em em mai hi ZPM chuan pawi a ti a, engemaw hlekah FIR an ti thuai thuai a. FIR kher loa mimala khap daih tuma umzuite pawh an nei thin nia sawi awm leh zauh thinte hi, tak tak a nih chuan a pawi hle a ni,’ thuchhuah chuan a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy