Daily Newspaper

MLA-in 4C leh task force tan sumfai leh mamawh dang hlan

19

Hachhek bialtu MLA Lalrindika Ralte chuan a bial chhungah Covid-19 hri kai an awm tak zeuh zeuh avang leh Community Covid Care Centre (4C) te khaw thenkhatah siam a ngaih avangin heng atana an mamawh chi hrang hrang leh mamawha hman tur sumfai bakah task force-te mamawh phuhruk nan sumfai a hlan.

Kawrthah, Zawlnuam, Kawrtethawveng damdawi in leh bial chhunga khaw hrang hrang Health Sub-Centre a hman tur digi thermometer, pulse oximeter, PPE (personal protective equipment) set, hand glove facemask, hand sanitizer leh 4C hmunhma tihthianghlimna hydrochloride solution-te a sem a. Heng bakah hian Covid kaihhnawiha damdawi hman thinte engemawzat a pe bawk.

Hachhek bialah hian Kawrtethawveng leh Kawrthah khuaah hri kaite enkawlna CCC siam a ni a. Zawlpui, Zawlnuam Tourist Lodge, KR High School, Bawrai, Bungthuam, Thinghlun leh Kanhmun-ah te 4C siam a ni bawk.

MLA Lalrindika Ralte chuan, Covid-19 in a biala chhungkaw tam takah buaina a thlen chu pawi a tih thu sawiin, hri kai enkawltu doctor, nurse, health worker leh VLTF te inpekna lawmawm a tih thu a sawi. Bial mipuite harsatna sutkian chu MLA a nih chhan a nih angin, eng hunah pawh an tan a awm tih a sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy