MLA-in Central Jail tlawh
MLA R Rohmingliana chuan Thawhtanni khan Forensic Science Laboratory leh Central Jail a tlawh.
Kumin October 21 & 22-a New Delhi-a India ram state hrang hrang MLA-te tana Law & Justice chungchanga an zir, Mizoramah eng ang chinin nge kalpui a nih tih hriatchian a duh vanga tlawh a ni tih Er R Rohmingliana hian a sawi a. He national workshop neiha ngen an nih angin, a hmuh dan report pek a tum tih a sawi.
Central Jail a tlawhnaah hian special superintendent Zosangliana hoin thawktuten an lo dawngsawng a. Mizoten jail chu misualte hremna hmun lian tak anga kan ngaih thin chu thlak a hun tawh a; correction centre (insiamthatna/ inzirna hmun) a nih zia kan hriat a tul tih MLA hian a sawi a ni.
Forensic Science Laboratory a tlawhnaah hian director Sangchungnunga hoin an lo dawngsawng bawk a. Ram a changkan poh leh a pawimawh tial tial dawn, tiin, Mizoramah pawh Aizawlah chauh niloin, district capital dangah pawh unit tal hun thuai a tul tih a sawi.
MLA-in Central Jail tlawh
