Daily Newspaper

MLA-in hri kai tawh lo Ni hnih chhungin 48 chhuak

27

Covid-19 kai avanga enkawlna hmuna dahluh DR BD Chakma, MLA chuan hri a kai tawh lo a; enkawlna hmun hi a chhuahsan. Hetihlai hian tunhnai ni hnih chhungin Mizoramah hri kai avanga enkawl hmuna dahluh, hri kai tawh lo tih finfiah mi 48 chhuahtir an ni.

Mizoram MLA zinga Covid-19 kai hmasa ber leh awmchhun Dr Buddha Dhan Chakma hi hri a kai tawh loh avangin an enkawlna hmun atanga chhuahtir a ni a. Rapid Antigent Test-a vawi hnih hri kai tawh loa hmuh a nih hnu-ah, September 24 khan RT-PCR hmanga endiknaah hri ala kai tih hmuh a ni.

September 13-a hri a kai tih hmuhchhuah Dr BD Chakma hi Covid Care Centre, New MLA Hostel Khatla-ah enkawl a ni a, Inrinni khan hri a kai tawh lo tih hriatchian hnu ah chhuahtir a ni.

October 4 khan Covid hri kai enkawlna CCC/DCHC a awm, mi 35-in hri an kai lo tih finfiah a ni a. Zobawk CCC Lunglei ami 1, SIRD CCC Pukpui Lunglei 4, Beraw CCC Zemabawk 10, Nursing School CCC Serchhip 3, CCC Mamit 1 leh CCC Zokhawsang atangin 16 an ni.

October 3 khan hri kai avanga enkawl, kai tawh lo 13 chhuahtir an ni bawk a. New MLA Hostel CCC ami 2, Montfort CCC Melriat 4, CCC Lawngtlai 2 leh Nursing School CCC Serchhip 5 an ni

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy