Daily Newspaper

MLA-in Local Development Committee din

29

Aizawl North II bialtu MLA Dr. Vanlalthlana chuan a biala veng chhunga hmasawnna hna thawh tur enpuitu tur Local Development Committee a din.

Kum 2020-2021 atan Aizawl North II bial chhung veng tinah Local Development Committee (LDC) hi din a ni a. LDC hian an veng chhunga hmasawnna hna thawh turte thlangin, an ngaihpawimawh hmasak apiang MLA Fund atanga thawh thin a ni. LDC-ah hian an bial chhung veng tinah local council member-te, YMA, MHIP, MUP aiawh pahnih theuh, party aiawh pakhat theuh bakah prominent citizen pahnih ruat an ni a, bialtu MLA hi chairman a ni. He Committee thutkhawmah hian MLA fund hmanga hna an thawh tawhte inhriattir niin, MLA Fund la awmte hmanga hmalakna tur bakah sawrkar department hrang hrang hnuaia hmasawnna hna thawh leh thawh tumte an sawi ho a ni.

MLA Fund chu bial chhung mipuite ta a nih avangin veng miten an aiawhte hmanga an veng chhunga hmasawnna hna thawh tur an thlan chu kalphung thar, amah thlawptu party ZPM-in an lo sawi thin zing ami a ni tih Dr Vanlalthlana hian a sawi a. Mahni in lum emaw office dawhkan atang niloa, mipui nena an mamawh tur sawi ho chu veng tan a hlawk hle tih a sawi a ni.

Thawhlehni khan LDC hriatpuina hian bialtu MLA chuan Ramhlun South MUP hnenah an building sakna tur MLA fund atangin cheng nuai 4 a hlan a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy