Daily Newspaper

MLA-in naunei tur buaipui, nau zaichhuak

15

Champhai North bialtu MLA Dr ZR Thiamsanga’n    Champhai damdawi inah naunei tur nu pakhat a zai a, tha takin naute a piang. Naute leh a nu an tha tih thu dawn a ni.

Champhai bul Ngur khaw nu pakhat Lalhmangaihsangi’n nau a vei thut a, a neih hun a la ni si lo, a pum a na a, Champhai an pan ta a ni.

Hmangaihsangi hi a thi a put bakah harsatna dang a neih avangin zai a ngai; mahse he damdawi ina an gynaecologist chu a dam loh avanga a chawlh lai a lo ni si. Gynaecologist Dr Thiamsanga’n a enkawl ta a ni. Gynaecologist a chawl tih an hriatin am bialtu MLA Dr Thiamsanga hi an bia a, ani’n a zai ta a ni. Chu chu August ni 10 kha a ni.

Dr Thiamsanga hian Aizawl panpui chi-ah a ngai lo a, darkar 10 vel thanga lamhla kalpui chi-ah a ngai lo. A rang thei ang bera zai a ngai tih a hria a, Aizawl pan ta se naute leh a nu tan a him lo thei tih a hrethiam. Chutiang dinhmuna an din avang chuan doctor thuam inbelin OT-ah a lut ta a ni.

“Pathian remruat a ni ang e. An vannei a, kei pawh Champhai-a ka awm lai tak a lo ni hlauh bawk a, anmahni tanpui thei tura ka lo awm kha ka vannei,” Dr Thiamsanga chuan a ti a, an dinhmun han en khan, Aizawl pan kha thil tih chi a ni lo tih a chian thu sawiin, “Zai nghal a ngai a, ka in-volunteer ta tawp mai a ni,” a ti.

“Doctor kan nih chuan dam lo enkawl a ngai a, enkawl ngai chu kan enkawl tur a ni,” Dr Thiamsanga chuan a ti.

Politician a nih hnuah pawh doctor hna hi MLA ni chungin a zinnaah a thawk fo a, June thlaah pawh khan hrilen vanga ramri-a duty police dam lo pakhat chu |iau kanin a lo enkawl tawh.

Zokhawthar-a a awm laiin ramri-a duty police pakhat a pum a nat thu leh Champhai damdawi in panpui turin a zawna inzawn te a ngaih tur thu a hria a, Zokhawthar atang chuan a pan ta a ni. An duty-na hmun thleng tur hian |iau hi vawi thum kan a ngai a, tuilen lai a ni lehnghal. Tui khauh tak chu vawi thum kanin police dam lo chu a enkawl a ni. MLA a nih hnu hian Champhai damdawi inah vek hian chi kawnga naupai, puak keh, thi put nu pakhat a zai tawh bawk.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy