Kumin kumtawp lama Mizorama MLA inthlanpui neih turah Election Commission of India hotute chuan inbuatsaih dan leh tul dangte thlirpui turin August 29 hian Mizorama lokal an tum.
Ruahman dan chuan, Election Commission-a pawimawh chin, chief election commissioner Rajiv Kumar hoin constitutional authority pathum leh official dang 17, an vaiin 20 an ni dawn a ni.
ECI hotute lo dawngsawn dan tur relin Nilaini khan chief secretary Dr Renu Sharma hoin a kaihhnawih sawrkar hotute an thukhawm a. Mizoram DGP bakah Home, GAD, Governor’s office, I&PR, chief electoral office, State Election department bakah Protocol leh Aviation hotute an tel.
Airport-a lo dawnsawn dan tur, Airport atanga Aizawl an thlen dan tur leh venhimna lama hmalak dan turte sawiho niin, mawhphurna chanvo hrang hrang siam a ni a. ECI hotute berawn chungin a tul anga thutkhawm zel tum a ni.
MLA inthlan urlawkin ECI hotute lokal dawn
